اہل بیت(ع) نیوز ایجنسی۔ابنا۔ پارلیمنٹ کے اسپیکر ڈاکٹر علی لاریجانی نے تہران میں ہفتۂ دفاع مقدس کی مناسبت سے منعقدہ ایک تقریب سے خطاب کرتے ہوئے کہا کہ دفاع مقدس ایران کے لئے عظیم کامیابیوں اور فوائد کا حامل ہے-
ان کا کہنا تھا کہ ایرانی عوام کے لئے دفاع مقدس کا سب سے بڑا فائدہ یہ ہوا کہ اگر آج ایران پر کوئی جارحیت ہوتی ہے تو دشمنوں کو ایک متحدہ قومی محاذ کا سامنا کرنا پڑے گا اور یہ چیز ایرانی عوام کے لئے بڑا سرمایہ ہے -
انہوں نے اس بات کا ذکرکرتے ہوئے کہ آج علاقے کے بعض ملکوں کو اس بات کا خیال رکھنا چاہئے کہ وہ کسی غلطی کے مرتکب نہ ہوں اور دھوکے میں نہ آئیں کیونکہ ممکن ہے کہ باہر کے بعض ممالک علاقے میں مداخلت کرنا چاہیں -
انہوں نے کہا کہ علاقے کے ملکوں کو اس لئے ہوشیار رہنا چاہئے تاکہ وہ دیگر ملکوں کی خواہشات کی پیروی نہ کریں -
ڈاکٹر علی لاریجانی نے کہا کہ ہم یہ اس لئے کہہ رہے ہیں کہ علاقے کے ممالک ، دفاع مقدس کے دوران صدام کے لئے اپنی حمایتوں کا نتیجہ دیکھ چکے ہیں - پارلیمنٹ کے اسپیکر نے علاقے کے بعض ملکوں کو خطاب کرتے ہوئے کہا کہ وقت سے سبق سیکھیں اور ماضی کی غلطیاں نہ دوہرائیں کیونکہ مقتدر اور طاقتور ایران نے کبھی بھی اپنے ہمسایہ ملکوں کے سلسلے میں جارحانہ عزائم نہیں رکھا ہے اور نہ رکھے گا لیکن بعض ملکوں نے جنگ کے زمانے میں عراق کا ساتھ دیا اور وہ مشکلات میں بھی گرفتار ہوئے -
انہوں نے ہفتۂ دفاع مقدس کے موقع پر شہیدوں اور ایران کے جیالوں کو خراج عقیدت پیش کرتے ہوئے کہا کہ دفاع مقدس ایک غیر معمولی واقعہ تھا کیونکہ ایک قوم نے جس نے جلد ہی انقلاب بپا کیا تھا اور اس کے سامنے بے شمار مشکلات تھیں اس کے باوجود اس نے دشمن کا بھرپور مقابلہ کیا -
۔۔۔۔۔۔۔۔۔۔۔۔۔۔۔
۲۴۲
