اہل بیت(ع) نیوز ایجنسی ۔ ابنا ۔ کی رپورٹ کے مطابق اسلامی جمہوریہ ایران کے صدر ڈاکٹر حسن روحانی نے ایران کے سینٹرل بینک کے چوّن ویں سالانہ اجلاس کے موقع پر کہا کہ دنیا کے پاس اس کے علاوہ کوئی اور راستہ نہیں ہے کہ وہ ایران کے ساتھ مذاکرات کی میز پر آئے کیونکہ اسکے علاوہ جو بھی راستہ ہے وہ غلط ہے۔
صدر مملکت ڈاکٹر روحانی نے یہ بات زور دیکر کہی ہے کہ ایران کو پہلے بھی آزمایا گیا ہے اور اب بھی آزما کر دیکھ لیں، اگر انہوں نے سابقہ تجربے کو دہرایا تو انہیں نقصان کے علاوہ کچھ ہاتھ نہیں آئے گا۔
ڈاکٹر حسن روحانی کا کہنا تھا کہ ایران کا ایٹمی پروگرام مکمل طور پر پر امن اور شفاف ہے اور تہران، دنیا سے منطقی اور پروگرام کے مطابق مذاکرات کا خواہاں ہے۔
.......
/169
