ابنا: عراق میں فوجی حکام کے مطابق ملک کے شمالی شہر تکریت میں بری فوج اور ہیلی کاپٹروں سے شدت پسندوں کے ٹھکانوں کو نشانہ بنایا گیا ہے۔ عراقی فوج کی مدد حکومت کے اتحادی سنی قبائل رضاکار جوان کر رہے ہیں۔ مغربی صوبۂ الانبار میں عراقی فضائیہ نے داعش کے ٹھکانوں کو ہدف قرار دیا اور بڑی تعداد میں دہشت گردوں کے زیر استعمال گاڑیوں کو نیست و نابود کر دیا۔ ریاستی ٹی وی چینل کا کہنا ہے کہ فوج نے تکریت میں گورنر کے ہیڈ کوارٹر پر دوبارہ قبضہ کر لیا ہے اور داعش کے 60 دہشتگرد ہلاک ہوئے ہیں۔ اس فوجی کارروائی میں دہشت گردوں کے ایک اڈے کو بھی تباہ کر دیا گیا ہے جہاں سے وہ دہشت گردانہ کارروائیاں انجام دیتے تھے۔
.......
/169
