ابنا: جنوبي ايران کے جزيرہ کيش ميں نامہ نگاروں کے ساتھ گفتگو کرتے ہوئے ڈاکٹر علي اکبر صالحي کا کہنا تھا کہ ايران اپني ضرورت کے مطابق يورينيم کي افزودگي کي مقدار اور سطح کا تعين خود کرے گا اور تہران اسے ريڈ لائن قرار ديتا ہے-جوہري توانائي کے قومي ادارے کے سربراہ نے کہا کہ يورينيم کي افزودگي کا حق اين پي ٹي معاہدے کا حصہ ہے اور ديگر ملکوں کي طرف سے اس حق کو باضابطہ طور پر تسليم کرنے يا نہ کرنے سے کوئي فرق نہيں پڑتا-انکا اشارہ امريکي نائب وزير خارجہ ونڈي شرمين کے حاليہ بيان کي طرف تھا-
واضح رہے کہ امريکہ کے نائب وزير خارجہ نے سنيچر کے روز کہا تھا کہ حتمي اور جامع معاہدے ميں ايران اپني سرزمين پر محدود طور پر يورينيم افزودہ کرسکے گا-البتہ انہوں نے اس بات کا بھي اعتراف کيا تھا ايران سے يورينيم کي افزودگي کي سرگرمياں ختم کئے جانے کي توقع رکھنا غير منطقي ہے-
.......
/169
