کیلیفورنیا میں غیر مسلموں کے لیے مسجدوں کے دروازے کھول دئیے گئے

ابنا: کیلیفورنیا کی مساجد کے منتظمین نے دین مبین اسلام سے غیر مسلموں کی زیادہ سے زیادہ آشنائی کے مقصد سے مسجدوں کے دروازے غیر مسلموں کے لئے کھول دیئے ہیں۔ بین الاقوامی قرآن نیوز ایجنسی کی رپورٹ کے مطابق کیلیفورنیا کی مساجد کی انتظامیہ نے بتایا کہ یہ اقدام اسلام و مسلمانوں کے حوالے سے غلط تصورات کو دور کرنے کے لئے کیا گیا ہے تاکہ غیر مسلم دین مبین اسلام کے آفاقی پیغام سے زیادہ سے زیادہ آشنا ہوسکیں اور ان کو اسلام کی صحیح شناخت حاصل ہوسکے۔ یاد رہے کہ کیلیفورنیا کی مساجد کے منتظمین گذشتہ بارہ سالوں سے یہ کام کررہے ہیں۔ اتوار کے دن اس حوالے سے کیلیفورنیا کی مساجد میں خصوصی تقریبات کا انعقاد ہوا اور حاضرین کی اسلامی کھانوں سے تواضع کی گی۔ قابل ذکر ہے کہ امریکی ریاست کیلیفورنیا میں مسلمانوں کی سب سے بڑی آبادی ہے۔ دو ہزار دس کے اعداد و شمار کے مطابق امریکہ میں تقریبا دو ہزار مساجد ہیں۔۔۔۔۔۔۔۔۔۔۔۔۔۔۔۔۔۔۲۴۲