تہران کے ایٹمی موضوع کو پر امن طریقے سے حل کرنے پر روس کا اتفاق

ابنا: روس کے وزیر خارجہ سرگئي لاوروف نے ایرانی صدر ڈاکٹر حسن روحانی کے جوہری رویہ کی حمایت کرتے ہوئے کہا ہے کہ روس اس بات پر پوری طرح متفق ہے کہ تہران کے ایٹمی موضوع کو پرامن طریقے سے حل کیا جائے۔انہوں نے روم میں کہاکہ ہمیں اسے دوسری مسائل کی طرح حل کرنے کی ضرورت ہے۔روسی وزیر خارجہ سرگئي لاوروف نے کہا کہ ایران کی قابل قدر تجاویز کی حمایت کرنا ناگزیر ہے۔روسی وزیر خارجہ نے گروپ 5 +1 کے دیگر ارکان سے نئے ایرانی انتظامیہ کے رویہ کی حمایت کرنے کی اپیل کی۔واضح رہے کہ ایرانی صدر نے حکومت سنبھالنے کے بعد پہلی بار کل ایک پریس کانفرنس میں نامہ نگاروں سے خطاب کرتے ہوئے ملک کے جوہری توانائی کے پروگرام کے موضوع پر سنجیدہ مذاکرات کے لئے ایران کی آمادگی کا اعلان کیا۔ڈاکٹر روحانی نے کہا کہ ہم وقت ضائع کیے بغیر بامعنی اورسنجیدہ مذاکرات کے لئے تیار ہیں اور اگر ہمارے سامنے والا فریق بھی اسی طرح تیار ہو تو ہمیں یقین ہے کہ دونوں فریقوں کی تشویش مذاکرات سے دور کی جا سکتی ہے۔۔۔۔۔۔۔۔۔۔۔۔۔۔۔۔۔۲۴۲