ابنا: مغربي سيٹلائٹ کمپنيوں يوٹيل سيٹ، انٹيل سيٹ، ہاٹ برڈ، گيلکسي اور اوپٹس نے ايران کے انگريزي زبان کے نيوز چينل پريس ٹي وي، ہسپانوي زبان کے ہسپان ٹي وي اور عربي زبان کے ايراني نيوز چينل العالم کي نشريات بند کردي ہيں-
اس پہلے انگريزي اور عربي زبان ميں فلميں دکھانے والي ايراني چينل آئي فلم اور عربي زبان کے فيملي ٹيلي ويژن الکوثر کي نشريات بھي اچانک بند کردي گئيتھيں-
لکزمبرگ ميں قائم انٹيل سيٹ کے مرکزي دفتر نے انيس جون کو کہا تھا کہ وہ يکم جولائي سے اسلامي جمہوريہ ايران کے سيٹلائٹ ٹي وي چينلوں، اور خاص کر پريس ٹي کي نشريات بند کردے گا- کمپني کا کہنا ہے کہ اسلامي جمہوريہ ايران کے ريڈيو اور ٹيلي ويژن کے سربراہ عزت اللہ ضرغامي کے خلاف مغربي ملکوں کي جانب سے عائد کي جانے والي پابنديوں کے تحت وہ ايراني سيٹلائٹ چينلوں کو خدمات فراہم کرنے سے قاصر ہے-
انٹيل سيٹ کے جاري کردہ بيان ميں کہا گيا ہے کہ ايران کے سيٹلائٹ چينلوں کي بندش اور ان کے معاہدوں کي تجديد نہ کرنےکا حکم حکومت امريکہ کي جانب سے ديا گيا ہے.
.....
/169
