مقبوضہ فلسطین: اسرائیلی حکومت نے10 فلسطینی گاؤں کی پانی سپلائی کاٹ دی

ابنا: فلسطینی ذرائع سے نقل ہے کہ اسرائیلی حکام نے ظلم اور تشدد کی انتہا انجام دیتے ہو ئے فلسطین میں مغربی کنارے القدس کے10دیہات میں پانی کی سپلائی روک دی ہے۔ذرائع کا کہنا ہے کہ صیہونی حکومت اس سے قبل ہی فلسطین کے کئی گاؤں میں پمپ کے ذریعہ پانی کی مقدار پر پابندی عائد کی ہوئی تھی۔بتایا جاتا ہے کہ رہائش پذیر فلسطینیوں کو پہلے بھی پانی کی کم مقدار مہیا کی جاتی تھی۔مقامی لوگوں کے مطابق سینکڑوں اسکولوں میں فلسطینی طلباء پانی کی کمی کی وجہ سے متاثر ہو رہے ہیں۔فلسطین کی غیر سرکاری تنظیم’’ لینڈریسرچ سینٹر‘‘ کی جانب سے جاری حالیہ رپورٹ کے مطابق براچا اور یذتر کی بستیوں میں رہائش پذیر اسرائیلی آباد کاری فلسطینی عوام کے پانی کو استعمال کر رہے ہیں ۔اس دوران فلسطینی رہائشیوں نے پانی کی مقدار کم کرنے کیخلاف اسرائیلی حکام کے پاس کے شکایت درج کی ہے جبکہ فلسطینی عوام پانی کے استعمال اور دیگر ضروریات استعمال کرنے کیلئے ٹیکس ادا کر رہے ہیں۔ نور......./169