گروپ ۵ جمع ۱ میں پیشرفت کی امید: مہمان پرست

ابنا: رامین مہمان پرست نے آرمینیا میں ارنا سے بات چیت کرتے ہوئے کہا کہ ایران اور گروپ پانچ جمع ایک کے درمیان آئندہ ہونے والے مجوزہ مذاکرات میں اتفاق رائے پیدا ہونا ممکن ہے۔ انہوں نے کہا کہ اگر گروپ پانچ جمع ایک کے رکن ممالک، المآتی ایک اجلاس کے نتائج کو مکمل کرنے کی کوشش کریں تو وہ ایران کے موقف کے قریب پہنچ جائيں گے۔ رامین مہمان پرست نے  کہا کہ آئندہ ہونے والے مذاکرات میں زیادہ پیچیدگياں نہیں ہیں اور مذاکرات کا طریقہ کار اس طرح اختیار کیا جائے کہ ان مذاکرات میں ایران کے حقوق کو تسلیم کیا جائے نیز اس کے ساتھ ساتھ الزامات اور تشویش کو بھی دور کر لیا جائے۔ ان کا کہنا تھا کہ مذاکرات کے نتیجہ خیز نہ ہونے کی اہم وجہ گروپ پانچ جمع ایک کے غیر منطقی مطالبات رہے ہیں۔واضح رہےکہ ایران اور گروپ پانچ جمع ایک کے درمیان مذاکرات کا اگلا دور 5 اور 6 اپریل کو قزاقستان کے دارالحکومت المآتی میں ہوگا۔۔۔۔۔۔۔۔۔۔۔۔۔۔۔۔۲۴۲