برطانیہ میں بے روزگار تارکین وطن کی مراعات ختم کرنے کا فیصلہ

ابنا: برطانیہ میں یورپ کے بے روزگار تارکین وطن کی مراعات ختم کرنے کا فیصلہ کیا گیا ہے اورچھ ماہ میں ملازمت حاصل نہ کرنے پر الاوٴنسز سے ختم کردیئے جائیں گے۔ برطانیہ کے وزیراعظم ڈیوڈ کیمرون آج نئے مسودے کااعلان کریں گے، جس کے مطابق یورپ کے بے روزگار تارکین وطن کے پاس ملازمت کے حصول کیلئے چھ ماہ کا وقت ہے، جس کے بعد ان کی ہیلتھ کئیر، سماجی رہائش اور ہینڈ آوٹس تک رسائی ممکن نہ ہو گی ،وزیر اعظم نے نام نہاد صحت سیاحت پر کریک ڈاوٴن کا بھی فیصلہ کیا ہے۔ واضح رہے کہ یورپ اس وقت شدید مالی اور معاشی بحران کا شکار ہے یورپ کے کئی ممالک میں معاشی بحران شدت اختیار کرگیا ہے۔......./169