پاکستان مصر تعلقات،آٹھ معاہدوں اور ایم او یوز پر دستخط

ابنا: صدر محمد مرسی نے پاکستانی ہم منصب آصف علی زرداری سے ایوان صدر میں ون آن ون ملاقات کی جس میں دونوں ممالک میں مختلف شعبوں میں تعاون سمیت اہم امور پر تبالہ خیال کیاگیا۔ اس کے بعد وفود نے دونوں رہنماؤں کی معاونت کی۔ اس ملاقات کے دوران دونوں ممالک میں باہمی تعاون کے 8 معاہدوں اور ایم او یوز پر دستخط کئے گئے، دونوں ممالک میں صعنتی  ، تیکنیکی، ترسیل زر، محکمہ ڈاک، میڈیا، بینکنگ، دفاعی اور سیاحت کے شعبوں میں تعاون کے معاہدوں اور ایم او یوز پر دستخط کئے گئے ہیں۔ مصری صدر ایوان صدر میں تقریب کے بعد اسلام آباد کی نیشنل یونیورسٹی آف سائنس اینڈٹیکنالوجی کا بھی دورہ کریں گے۔ اس کے بعد وہ تین روزہ دورے پر بھارت روانہ ہو جائیں گے۔ ڈاکٹر محمد مرسی انیس سو ساٹھ میں مرحوم جمال عبدالناصر کے بعد پاکستان کا دورہ کرنے والے پہلے منتخب جمہوری مصری صدر ہیں۔۔۔۔۔۔۔۔۔/242