اسلام آباد میں پاکستان کی سب سے بڑی مسجد کی تعمیر

ابنا: شبستان کے حوالے سے نقل کیا ہے کہ اسلام آباد کے علاقے بحریہ ٹاون میں پاکستان کی سب سے بڑی مسجد تعمیر کی جا رہی ہے جس میں ایک ہی وقت میں ۱۴۰۰۰نمازی نماز پڑھ سکتے ہیں اور اس مسجد کی تعمیر کے لیے ایک ارب ڈالر کا تخمینہ لگایا گیا ہے۔قابل ذکر ہے کہ اس پروجیکٹ میں ۸۰۰سے ۱۰۰۰مزدور کام کر رہے ہیں اور پاکستان کے ریکارڈ میں ابھی تک اتنے رقبے پر مشتمل کوئی مسجد موجود نہیں ہے۔یاد رہے کہ اس سے قبل پاکستان کی فیصل مسجد سب سے بڑی مسجد شمار ہوتی ہے کہ جس میں دس ہزار نمازیوں کے نماز پڑھنے کی گنجائش ہے اور دوسرے نمبر پر پاکستان کے شہر لاہور کی بادشاہی مسجد ہے جس میں ساڑھے آٹھ ہزار نمازیوں کے نماز پڑھنے کی گنجائش ہے۔پاکستان کے معمار نیرعلی دادا نے کہا ہے کہ اس مسجد کو لاہور کی بادشاہی مسجد کی طرز پربنا یا جا رہا ہے۔............../242