ابنا: يہ بات ايران کي وزارت خارجہ کے ترجمان رامين مہمان پرست نے آئي آر آئي بي کي عالمي سروس کے نمائندے سے بات چيت کرتے ہوئے کہي-
انہوں نے يوٹيل سيٹ کي جانب سے العالم ٹيلي وژن کي نشريات روک ديئے جانے کي مذمت کرتے ہوئے کہا کہ اس طرح کي پابندياں جتني زيادہ لگائي جائيں گي دنيا بھرکے عوام ايران کي حقانيت کي جانب اتنے ہي زيادہ متوجہ ہونگے- انہوں نے کہا کہ بے جا پابنديوں کي وجہ سے ايران کي عالمي سروس کے چينلوں کي مقبوليت ميں کئي گنا اضافہ ہوا ہے اور لوگ متبادل ذرائع سے ايراني چينلوں تک رسائي حاصل کرنے کي کوشش کر رہے ہيں-
رامين مہمان پرست کا کہنا تھا کہ يہ اس بات کي نشاندھي کرتا ہے کہ لوگ العالم ٹي وي چينل کي خبروں کي سچائي اور حقانيت پر يقين رکھتے ہيں-
وزارت خارجہ کے ترجمان نے کہا کہ مغرب کي جانب سے ايران سميت دنيا کے خود مختار ملکوں کے ذرائع ابلاغ سے مقابلہ آرائي کوئي نئي بات نہيں ہے بلکہ مغربي ممالک ايراني عوام کے مقابلے کے لئے اس حربے کو آزماتے چلے آرہے ہيں-
رامين مہمان پرست کا کہنا تھا کہ مغربي ميڈيا عالمي معاملات اور ايران کے بارے ميں حقائق کو توڑ مروڑ کر پيش کرتا ہے-
ايران کي وزارت خارجہ کے ترجمان نے عالمي سطح پر امريکہ کي يکطرفہ پاليسيوں کي مذمت کرتے ہوئے کہا کہ امريکہ اور مغربي ممالک ذرائع ابلاغ پر اجارہ داري کے ذريعے اقوام کي حقيقي آواز کو دنيا والوں کے کانوں تک پہنچنے سے روکنے کي کوشش کرتے چلے آرہے ہيں تاکہ اپنے ناجائز اور تسلط پسندانہ مفادات کو آگے بڑھا جا سکے-
.......
/169
