ابنا: تحریک چھ اپریل کے ترجمان محمود عفیفی نے کہا ہے کہ مصر کے صدر محمد مرسی کی کارکردگی کی جانچ ، ملک میں قیام امن ، بدامنی کے خاتمے ، لاء اینڈ آرڈر کی برقراری اور شہروں اور سڑکوں کی صفائی ستھرائی سے متعلق عوام سے کۓ گۓ ان کے وعدوں پر عملدرآمد کے سو دنوں کا آغاز ہوچکا ہے۔ محمود عفیفی نے زور دے کر کہا ہے کہ محمد مرسی کو ان سو دنوں میں ضروری سیاسی فیصلے کرنا ہوں گے خصوصا ان کو سیاسی قیدیوں کی آزادی اور صدر کے سلب شدہ اختیارات حکمران فوجی کونسل سے واپس حاصل کرنے کے بارے میں فیصلے کرنا ہوں گے۔ محمود عفیفی نے مزید کہا کہ مصر کے جوان، مصر کی پارلیمنٹ کی تحلیل ، قومی دفاع کونسل کی تشکیل سے متعلق حکمران فوجی کونسل کے فیصلوں کی مخالفت اور ان فیصلوں کے واپس لۓ جانے کے لۓ قاہرہ کے تحریر اسکوائر میں اپنا دھرنا جاری رکھیں گے۔....... /169
1 جولائی 2012 - 19:30
News ID: 326354
مصر کی چھ اپریل تحریک نے اس ملک کی حکمران فوجی کونسل کی جانب سے سلب کردہ صدارتی اختیارات واپس حاصل کرنے کے سلسلے میں محمد مرسی کی حمایت کا اعلان کیا ہے۔
