بریگيڈیر جزائری: امریکی فوجیوں کو قرار واقعی سزا دینی چاہیے

ابنا: بریگيڈیر جزائری نے افغانستان میں امریکی فوجیوں کے ہاتھوں قرآن مجید کی بے حرمتی ، جنگ افغانستان کے واقعات نیز امریکہ سے بڑھتی ہوئي نفرت و بیزاری کی طرف اشارہ کرتےہوئے کہا کہ بظاہر وہائٹ ہاوس میں اس مسئلے پر کوئي کان دھرنے کو تیار نہیں ہے کہ افغانستاں میں امریکی فوجیوں کی موجودگي سے واشنگٹن اور اس کے اتحادیوں کو شدید خطرات کا سامنا کرنا پڑے گا۔ انہوں نے کہا کہ افغانستان میں ہونے والے واقعات کے بارے میں امریکہ کا دوسروں کو ذمہ دار قراردینا بے سو د ہے اور امریکہ شام کے حالات کو بڑھا چڑھا کر پیش کرکے افغانستان اور پاکستان میں اپنے جرائم پر پردہ نہیں ڈال سکتا۔ بریگيڈیر جزائری نے کہا کہ افغانستان میں امریکی فوجیوں کے ہاتھوں قرآن مجید کی بے حرمتی اور افغان عوام کے قتل عام کے بعد امریکہ کے خلاف جو تحریک شروع ہوئي ہے وہ دراصل ظلم و جور اور جارحیت کے خلاف عالم گیر تحریک کا حصہ ہے ۔ انہوں نے کہا کہ امریکی حکام کا یہ رویہ نہایت شرمناک ہے کہ انہوں نے نہتے عوام کے قتل عام پر صرف افسوس کا ا ظہار کرکے ملت افغان کا منہ چڑایا ہے اور اقوام عالم کے شعوروجذبات کا مذاق اڑایا ہے۔........ /169