شام کے مخالف کو تسلیم نہیں کرتے/ چين اور روس کے مؤقف کی تعریف

ابنا: لبنان کے وزير خارجہ عدنان منصورنے شامی حکومت اور عوام کی حمایت کرتے ہوئے کہا ہے کہ شام کے مخالفین کو ہرگز تسلیم نہیں کریں گے۔ انھوں نے کہا کہ شام کی مخالف کونسل کو لبنان تسلیم نہیں کرتا، کیونکہ یہ شامی عوام کی نمائندہ کونسل نہیں بلکہ امریکہ، سعودی عرب اور قطر کی نمائندہ کونسل ہے جس کی شکست یقینی ہے انھوں نے کہا کہ اس کونسل میں القاعدہ سے وابستہ دہشت گرد بھی شامل ہیں۔ انھوں نے کہا کہ لبنان شام کے خلاف پابندیوں کو بھی تسلیم نہیں کرتا۔ منصور نے شام کے بارے میں چین اور روس کے اقدام کی تعریف کی۔........ /169