ابنا: محمد خزاعي نے ايک گفتگو ميں کہا ہے کہ امريکي جاسوس طيارے کا ايران کي فضائي حدود ميں داخل ہونا عالمي قوانين کي خلاف ورزي ہے اور ايران امريکہ کے اس اقدام کے پس پردہ تمام عزائم کي تحقيقات کر رہا ہےـ محمد خزاعي نے امريکہ کے ذريعے ايران کي فضائي حدود کي خلاف ورزي پر تہران کے باضابطہ احتجاج کے بارے ميں کہا کہ اقوام متحدہ کے سکريٹري جنرل بان کي مون کو خط لکھ ديا گيا ہے ـ انہوں نے کہا کہ اقوام متحدہ اور رکن ممالک سے يہ توقع کي جاتي ہے کہ اقوام متحدہ کے منشور کے مطابق ايک ملک کے ذريعے دوسرے ملک کي فضائي حدود کي خلاف ورزي کي مذمت کريں گے ـ
محمد خزاعي نے کہا کہ اگر امريکي طياروں نے آئندہ بھي ايران کي فضائي حدود کي خلاف ورزي جاري رکھي تو ايران اپنا يہ قانوني حق محفوظ سمجھتا ہے کہ اپني ارضي سالميت اور فضائي حدود کي حفاظت کے لئے اقدامات کرے ـياد رہے کہ ايراني فوج کي اليکٹرانک وار فيئر يونٹ نے چار دسمبر کو امريکہ کے پيشرفتہ ڈرون طيارے آر کيو ايک سو ستر کو ايران کي فضائي حدود ميں ڈھائي سو کلوميٹر اندر تک داخل ہو جانے کے بعد سائبر اٹيک کے ذريعے زمين پر اتار ليا تھا-.............
/169
