شہنشاہ حسین نقوی: کل سے مجلس عزاء ایم اے جناح روڈ پر ہو گی

ابنا: ان خیالات کا اظہار شیعہ علماء کونسل پاکستان کے مرکزی رہنما اور معروف عالم دین مولانا شہنشاہ حسین نقوی نے یکم محرم الحرام کی مرکزی مجلس عزاء سے نشتر پارک میں خطاب کرتے ہوئے کیا۔مولانا شہنشاہ حسین نقوی نے آج نشتر پارک میں مرکزی مجلس عزاء سے خطاب کرتے ہوئے سانحہ نمائش چورنگی میں ملوث کالعدم دہشت گرد گروہ سپاہ صحابہ کے  دہشت گردوں کو سر عام پھانسی دینے کا مطالبہ کرتے ہوئے اعلان کیا کہ جب تک کالعدم دہشت گرد گروہ سپاہ صحابہ کے  دہشت گرد کہ جنہوں نے نمائش چورنگی پر فائرنگ کر دو معصوم شیعہ نوجوانوں کو شہید کیا ہے ،سر عام پھانسی نہیں دی جاتی آئندہ کی مجالس , نشتر پارک میں نہیں بلکہ ایم اے جناح روڈ پر ہوں گی اور احتجاجی دھرنا دیا جائے گا۔مولانا شہنشاہ حسین نقوی نے سانحہ نمائش چورنگی پر شدید غم و غصہ کا اظہار کیا اور کہا ک حسینی جوانوں نے آج ایک مرتبہ پھر کربلا کی یاد کو تازہ کرتے ہوئے نسل یزید کے ناپاک عزائم کو ناکام بنا دیا ہے ان کاکہنا تھا صہیونی ایجنٹ چاہتے تھے کہ شہر کراچی کے امن کو خراب کریں لیکن وہ بری طرح ناکام ہو چکے ہیں انہوںنے واضح کیا کہ غم حسین علیہ السلام کل بھی نہ رکا تھا اور آج بھی کسی میں اتنا دم نہیں کہ وہ روک دے ،اگر دہشت گردوں کو سزا نہیں دی گئی تو کل سے ایم اے جناح روڈ پر مجلس عزاء کا انعقاد کیا جائے گا۔

.....

/169-110