ابنا: صدر جناب احمدی نژاد نے آج یوم دفاعی صنعت کے موقع پر کہا کہ اگر کسی نے ایران کے حلاف کوئي اقدام کیا تو اسے نہایت شدید جواب ملے گا۔ انہوں نے کہاکہ ایران کی دفاعی پالیسی ڈیٹرینٹ کے اصول پر مبنی ہے اور ایران اپنی دفاعی طاقت سے دوسری سرزمینوں کی تسخیر اور انسانیت پر تسلط کےلئے استفادہ نہیں کرتا ہے۔
قادر نامی کروز میزائل کی رینج دو سوکلومیٹر ہے اور دشمن کے سمندری اہداف اور اسکی بحریہ کے جنگي جہازوں اور کشتیوں کو نشانہ بناسکتا ہے اور اس کی تخریبی صلاحیت بھی بہت زیادہ ہے۔ اس میزائل کو ساحل اور جنگي جہازوں سے داغا جاسکتا ہے۔ اس میزائل کا مقصد ڈیٹرینٹ طاقت حاصل کرنا اور قومی اقتدار نیز ارضی سالمیت کا تحفظ کرنا ہے۔ والفجر نامی ٹارپیڈو آبدوزوں سے داغا جاتا ہے اور ایران کی بحریہ کی توانائيوں کو بڑھانے میں نہایت مؤثر کردار کاحامل ہے۔ بنیان نامی انجن بھی ایرانی ماہرین نے تیار کیا ہے اور ایران کے جنگي اور تجارتی بحری جہازوں میں استمال کیا جائے گا۔ ان دفاعی منصوبون کی رونمائی کی تقریب میں وزیر دفاع جنرل احمد وحیدی نے کہا کہ اسلامی جمہوریہ ایران علاقائي سطح پر بے مثال صنعتی ترقی یافتہ ملک بن گيا ہے جو عالمی سطح پر مختلف ملکوں سے مقابلہ کرسکتا ہے۔ انہوں نے کہا کہ ایران کی وزرات دفاع کے پاس سیکڑوں جدید ترین دفاعی ٹیکنالوجی ہیں ۔............
/169
