خودکش حملوں کا ماسٹر مائنڈ محمد نسیم عرف ابو فَرَج گرفتار

ذرائع کے مطابق ابو فَرَج خود کش حملوں کا ماسٹر مائنڈ تھا اور اسکا اصل نام محمدنسیم ہے۔ابو فَرَج شدت پسند کمانڈر درویش کا بیٹا ہے، جنہوں نے چند روز قبل خود کو سیکیورٹی فورسز کے حوالے کردیا تھا۔ ذرائع کے مطابق وہ بچوں کو خود کش حملوں کی ٹریننگ دیتا تھا۔ ابو فَرَج کو گزشتہ روز سیکیورٹی فورسز کی کاروائی کے دوران چارباغ کے علاقے سے زخمی حالت میں گرفتار کیا گیا۔ اس کا شمار فضل اللہ کے قریبی ساتھیوں میں ہوتا تھا ۔