اہل بیت(ع) نیوز ایجنسی ۔ ابنا ۔ کی رپورٹ کے مطابق وزیرفاع حسین دہقان نے جمعرات کو نامہ نگاروں کے اس سوال کے جواب میں کہ امریکی ڈسٹرائر کا ایران کی تیز رفتار بوٹوں نے کیوں تعاقب کیا، کہا کہ ایران اور خلیج فارس میں امن و امان کی برقراری کی ذمہ دای ایرانی بحریہ کی ہے اس لئے ایرانی بحریہ کا فریضہ ہے کہ وہ علاقے میں غیر ملکی بحری جنگی جہازوں کی آمد و رفت اور نقل و حرکت پر نظر رکھے- انہوں نے ہمدان کے ایئر بیس پر روسی طیاروں کے اترنے کی خبروں کی طرف اشارہ کرتے ہوئے کہا کہ ایران، شام اور علاقے میں دہشت گردی کے خلاف جنگ کے محاذ کا ایک موثر رکن ہے اور اس سلسلے میں وہ روس اور شام کی فوجوں کے ساتھ تعاون کر رہا ہے تاکہ شام میں دہشت گردی کے خلاف جنگ میں تیزی لانے کے ساتھ ساتھ سہولتیں بھی فراہم ہوں- ان کا کہنا تھا کہ ایران علاقے میں دہشت گردوں کے خلاف روسی فضائیہ کی کارروائیوں کے لئے سہولتیں فراہم کر رہا ہے- البتہ انہوں نے کہا کہ ہمدان کے ایئر بیس پر روسی طیاروں کی لینڈنگ علاقے میں تکفیری دہشت گردوں کا مقابلہ کرنے کے لئے مشترکہ اقدامات کے دائرے میں انجام پارہی ہے-
.......
/169
