تصویری رپورٹ: پاراچنار کے بم دھماکوں میں 88 افراد شہید و زخمی

اہل بیت(ع) نیوز ایجنسی ۔ ابنا ۔ کی رپورٹ کے مطابق پاراچنار عیدگاہ مارکیٹ میں کباڑی کا روپ دھار کر خود کش حملہ آور نے بم دھماکہ کرایا۔ جسکے نتیجے میں 23 افراد شہید جبکہ 65 سے زائد زخمی ہوگئے۔ اہلسنت عیدگاہ کے قریب کباڑ کے عارضی بازار میں مبینہ طور پر صدہ سے آئے ایک کرولا گاڑی میں تین افراد نے جوتوں کا کباڑ لاکر سٹال لگایا تھا۔ کم ریٹ پر نیلام کی بولی لگا کر لوگوں کا ہجوم جب لگ گیا تو ایک زور دھماکہ ہوا، جس کے نتیجے میں 23 افراد شہید جبکہ 65 تک زخمی ہوگئے۔ مشتعل ہجوم نے گاڑی کو نذر آتش کردیا۔ جبکہ سرکاری ذرائع کا کہنا ہے کہ ایک مبینہ دہشتگرد کو گرفتار کیا جاچکا ہے۔ حادثے میں ہونے والے زخمیوں کو فوری طور پر ایجنسی ہیڈ کوارٹر ہسپتال پاراچنار منتقل کردیا گیا۔ جبکہ دو انتہائی شدید زخمیوں کو انصار الحسین کے ایمبولینس میں پشاور روانہ کردیا گیا۔