اہل بیت(ع) نیوز ایجنسی ـ ابنا ـ کے مطابق صدر اسلامی جمہوریہ ایران ڈاکٹر مسعود پزشکیان نے یہ بات اتوار کی صبح قومی خلائی ٹیکنالوجی کے دن کے موقع پر، وزارت دفاع میں ملک کی تازہ ترین دفاعی اور خلائی کامیابیوں، بشمول سیٹلائٹ لانچنگ اور گائیڈنس سسٹم کے معائنے کے موقع پر صحافیوں سے مختصر بات چیت کرتے ہوئے کہی۔
صدر نے مزید کہا: یہ صلاحیتیں
نوجوانوں اور سائنس دانوں کی تخلیقی صلاحیتوں کے بدولت حاصل ہوئی ہیں، اور یہ ملک
کی دفاعی طاقت کو بہتر بنانے کے لیے ہیں، جارحیت کے لئے نہیں۔
انہوں نے مزید کہا: ملک کی
خلائی اور دفاعی صلاحیتیں اس سطح پر پہنچ چکی ہیں کہ دشمنوں کو ایران کی سرزمین پر
للچائی ہوئی نظر ڈالنے کی صورت میں پچھتاوے کے سوا کچھ بھی نہ ملے گا۔
انہوں نے کہا ایران عنقریب
ان ممالک میں شامل ہو جائےگا جو خلا میں پروازیں کریں گے اور یہ ہمارے ملک کی
سائنسی طاقت و توانائي کا ثبوت ہے۔
صدر ایران نے کہا کہ دشمن
ہمیشہ کوشاں رہا ہے کہ ہم اپنے پیروں پر کھڑے نہ ہونے پائيں لیکن اس کی یہ کوشش
ناکام رہی، اور ہم سائنس و ٹیکنالوجی کے میدان میں اپنی اندرونی صلاحیوں کو
نکھارنے میں کامیاب رہے ہیں۔
انہوں نے کہا کہ آج ہم
اپنے نوجوان ماہرین اور سائنسدانوں کی کاوشوں کے نتیجے میں ملکی دفاعی ضروریات پوری
کرنے کے قابل ہوگئے ہیں اور ان میں سے بعض مصنوعات برآمد بھی کر رہے ہیں۔
صدر نے کہا کہ مجھے امید
ہے کہ ہم اپنے نوجوانوں کی صلاحیتوں سے استفادہ کرتے ہوئے ملک کی تمام مشکلات کو
حل کرنے میں کامیاب ہوجائيں گے۔
۔۔۔۔۔۔۔۔۔
110
