اہل بیت(ع) نیوز ایجنسی ـ ابنا ـ کے مطابق، سپاہ پاسداران انقلاب
اسلامی کی سپاہ قدس (Quds corps) کے کمانڈر، جنرل اسماعیل
قاآنی نے سردارمقاومت سید حسن نصر اللہ کی شہادت پر اپنے پیغام تعزیت میں لکھا ہے
کہ حزب اللہ کے مجاہد قائد سید حسن نصراللہ کی مظلومانہ شہادت نے ہميں داغدار اور
اسلامی محاذ مقاومت نیز دنیا کے سب ہی حریت پسندوں کو سوگوار کردیا۔
انھوں نے اپنے پیغام میں کہا
ہے کہ حزب اللہ کے شہید قائد نے اپنی پوری بابرکت اور قابل فخر زندگی اسلام
اور قرآن کے خبیث ترین دشمن کے جنگ کے میدان میں گذار دی اور بالآخر اپنا خون اور
جان اعلی اسلامی اصولوں اور ملت فلسطین کی حمایت نیز لبنانی عوام کی سربلندی کی
راہ میں فدا کردی۔
جنرل قاآنی کا کہنا تھا کہ اس نورانی سید نے روحانیت اور اعلی تدابیر
سے تحریک حزب اللہ کی قیادت کی اور اس کو جاویدانی روحانی اور جہادی عزت و طاقت کی
بلند ترین چوٹیوں تک پہنچا دیا۔
انھوں نے اپنے پیغام میں لکھا ہے کہ شہید سید حسن نصراللہ نے جنگ
تموز(جولائی 2006ع کی 33 روزہ جنگ) نیز عراق اور شام میں داعش اور دیگر تکفیری
ٹولوں کے خلاف جنگ میں مجاہدت کے سنہری ابواب رقم کئے۔
جنرل قاآنی نے آخر میں لکھا ہے: میں غم زدہ قلب کے ساتھ، اور اللہ کے
فضل و عنایت پر امید کے ساتھ، حزب اللہ میں اپنے مجاہد بھائیوں، شہید کے ثابت قدم
کنبے اور اسلامی مقاومتی محاذ میں اپنے
تمام بھائیوں کو تعزیت وتہنیت پیش کرتا ہوں اور ان شاء اللہ فتح فلسطین اور آزادی
قدس تک شہید کا مشن جاری رکھنے میں آپ کے ساتھ کھڑا رہوں گا۔
۔۔۔۔۔۔
110
