اہل بیت(ع) نیوز ایجنسی۔ابنا۔ شیعہ علماء کونسل پاکستان کے مرکزی سیکرٹری جنرل علامہ ناظر عباس تقوی نے نیو رضویہ سوسائٹی میں کارکنان اور نوجوانوں کی تربیتی نشت سے خطاب کرتے ہوئے کہا کہ ماہ رمضان المبارک خدا کی طرف سے تمام عالم اسلام اور بلخصوص نوجوانوں کے لئے نعمت ہے یہ بر کتوں، نعمتوں اور مغفرت کا مہینہ ہے اس ماہ میں نوجوانوں کو چائیے کہ اپنا تزکیہ نفس کرتے ہوئے اپنے امور کی اصلاح کریں اور اپنے آپ کو خدا کی بندگی کے لئے انسان پیش کرے پروردگار نے ماہ رمضان المبارک میں انسان کو یہ مہلت دی ہے کہ وہ پورے سال جو خدا کی عبادت سے دور رہتا ہے کہ اے میرے بندے تو میرا ہی بندہ ہے میری بارگاہ میں پلٹ آاور میری بند گی کا حق ادا کر دے خدا نے اس ماہ میں انسان کے سونے کو عبادت اور سانس لینے کو تسبیح قرار دیا ہے ہم سب کو چائیے اس مہینے سے استعفادہ حاصل کرتے ہوئے کثرت عبادت اور ذکر الہی کو زیادہ سے زیادہ انجام دیں جہاں ماہ رمضان انفرادی تربیت کا مہینہ ہے وہاں ماہ رمضان ہمارے کندھوں پر یہ بوجھ بھی ڈالتا ہے کہ وہ فقراء جو معاشرے میں غریب ہیں اور وسائل نہ ہونے کی وجہ سے غربت و افلاس کی زندگی گزار رہے ہیں ہمیں اُن کا ہاتھ تھامنے کی ضرورت ہے تا کہ ہمارا پروردگار ہم سے راضی ہو سکے۔
۔۔۔۔۔۔۔۔۔۔۔۔۔
242
