تصویری رپورٹ/ شہید قاسم سلیمانی اور ابومہدی المہندس کی دوسری برسی کے موقع پر عراق کے شیعہ، سنی اور ایزدیوں کا عظیم اجتماع (1)

اہل بیت(ع) نیوز ایجنسی۔ابنا۔ اسلامی مزاحمت کے کمانڈروں؛ شہید قاسم سلیمانی اور شہید ابومہدی المہندس کی دوسری برسی کے موقع پر عراق کے جملہ عوام بشمول شیعہ، سنی، کرد، ترکمن اور ایزدیوں کے لاکھوں افراد نے بغداد میں عظیم اجتماع کیا۔ انہوں نے اس احتجاجی اجتماع میں شہدا کی تصویروں کو ہاتھوں میں اٹھا رکھا تھا اور عراق، ایران، حشد الشعبی اور سپاہ پاسداران کے پرچموں کو بلند کر کے امریکہ کے خلاف نعرہ بازی کر رہے تھے۔ مظاہرین نے اپنے ملک عراق سے امریکی دھشتگردوں کے مکمل انخلاء کا مطالبہ کیا۔ خیال رہے کہ شہید قاسم سلیمانی اور شہید المہندس نے عراق میں داعشی دھشتگردوں کو شکست دینے اور اس ملک کے عوام کو ان دھشتگردوں سے نجات دلانے میں اہم کردار ادا کیا۔ ۳ جنوری ۲۰۲۰ کو امریکہ کے جرائم پیشہ صدر ڈونلڈ ٹرامپ کے براہ راست حکم سے انہیں بغداد کے ایئر پورٹ پر شہید کر دیا گیا۔