اہل بیت(ع) نیوز ایجنسی۔ابنا۔ ایرانی صدر نے کہا ہے کہ امریکہ میں گزشتہ رات کے واقعات نے مغربی جمہوریت کی کمزوری کو ظاہر کیا۔
یہ بات ڈاکٹر حسن روحانی نے جمعرات کے روز قومی منصوبوں کی افتتاح تقریب سے خطاب کرتے ہوئے کہی۔
انہوں نے کہا کہ امریکہ میں گزشتہ رات کے واقعات سے یہ بات ظاہر ہوتی ہے کہ مغرب میں جمہوریت کتنی کمزور اور ناکام ہے اور اس کی کوئی مضبوط بنیاد نہیں ہے اور ہم نے دیکھا کہ ان ممالک میں سائنس اور صنعت کی ترقی کے باوجود ، پوپولزم کی بہت سی بنیادیں ہیں۔
انہوں نے کہا کہ ہم نے دیکھا کہ ان 4 سالوں میں ایک پاپولسٹ آدمی (ٹرمپ) نے اپنے ملک کے ساتھ کیا کیا اور اس ملک کی عزت اور وقار پر سوال اٹھایا اور اس شخص نے ہمارے خطے، فلسطین ، شام اور یمن کو خطرے میں ڈالا۔
روحانی نے کہا کہ جب ایک ایسا فرد اقتدار میں آئے تو وہ اپنے ملک اور دنیا کے لئے بہت ساری مشکلات پیدا کرتا ہے، جو امید ہے کہ پوری دنیا کے ساتھ ساتھ وائٹ ہاؤس کے اگلے حکمرانوں کے لئے بھی سبق آموز ہوگا۔
صدر روحانی نے کہا کہ وہ شخص جو آئندہ دو ہفتوں تک وائٹ ہاؤس میں اقتدار میں آتا ہے انہیں ان مسائل کا ازالہ کرنا اور امریکی قوم جو ایک عظیم قوم ہے کی وقار کو واپس لانا چاہئے اور انہیں عالمی قوانین ( عقلمندی اور قانون) پر عمل کرنا چاہیے۔
۔۔۔۔۔۔۔۔۔۔۔۔۔۔
۲۴۲
