اعلامیه کا متن
1۔ضلع کرم بالخصوص پارا چنار کی عوام کے لئے گزشتہ ۶۷ دنوں سے راستوں کی بندش اور پاکستان کے دیگر علاقوں سے پارا چنار کے زمینی راستے منقطع ہونے پر گہری تشویش کا اظہار کیا جاتا ہے اور حکومت کے اس اقدام کو غیر انسانی اور بنیادی انسانی حقوق کی خلاف ورزی قرار دیا جاتا ہے اور اس انسانی بحران کی کیفیت کے باعث حکومت سے فی الفور راستوں کو کھولنے کا مطالبہ کیا جاتا ہے۔
2۔حکومت ملک کے دیگر حصوں کی طرح پارا چنار کی محب وطن عوام کا تحفظ کو یقینی بنانے کے لئے ترجیہی بنیادوں پر انتظامات کرے۔
3۔راستوں کی بندش کی وجہ سے ادویات کے ناپید ہونے کے باعث معصوم بچوں اور بزرگوں کی شہادتیں ہو رہی ہیں جو انسانی المیہ کے مترادف ہے لہذا حکومت فوری طور پر پارا چنار ادویات باہم پہنچا کر مزید انسانی جانوں کو نقصان سے بچائیں۔
4۔مقامی عوام کو راستوں کی بندش کے باعث اشیائے خورد و نوش و دیگر ضرویات زندگی کی شدید قلت کا سامنا ہے حکومت ترجیہی بنیادوں پر عوام کو تمام ضروریات زندگی باہم پہنچانے کے لئے فوری اقدامات اٹھائے۔
5۔اعلامیہ میں واضح کیا گیا ہے کہ حکومت تمام نکات پر فی الفور عمل درآمد کو ممکن بنائے بصورت دیگر اگلے مرحلے پر ملک گیر لائحہ عمل کا اعلان کیا جائے گا۔
