اہل بیت(ع) نیوز ایجنسی۔ابنا۔ اٹلی کے دو بڑے شہر روم اور میلان کی سڑکوں پر شہید قاسم سلیمانی کی تصویریں نظر آرہی ہیں۔
یہ اقدام ایک ’یورپی محاذ برائے شام‘ کے نام سے اٹلی کے ایک گروپ نے شروع کیا۔
اس بارے میں شائع ہوئے ایک بیانیہ میں کہا گیا ہے کہ اس اقدام کا مقصد ایک ایسے شخص کا احترام کرنا ہے جس نے اقوام کی آزادی اور خودمختاری کے لیے جانثاری اور فداکاری کی اور لاکھوں آزاد مرد و زن کو متاثر کیا۔
اطالوی کارکنوں نے شہید سردار سلیمانی کو عالمی ظلم و بربریت کے خلاف جنگ میں ایک مستحکم یقین رکھنے والے انتھک سپاہی کے طور پر پہچنوایا، اور ان کے قتل کو امریکی دہشت گرد فوج کے بہیمانہ ، ظالمانہ اور مجرمانہ اقدام کا نتیجہ قرار دیا ہے۔ ان کی شہادت کے چالیسویں کی مناسبت سے روم اور دیگر اطالوی شہروں کی گلیوں میں شہید قاسم سلیمانی کے پوسٹر لگائے گئے۔
۔۔۔۔۔۔۔۔۔۔۔۔۔۔
۲۴۲