اہل بیت(ع) نیوز ایجنسی۔ابنا۔ ایران کے وزیر خارجہ محمد جواد ظریف نے گزشتہ روز دارالحکومت نئی دہلی میں اپنے بھارتی ہم منصب سشما سوراج کے ساتھ ہونے والی ملاقات کے بعد صحافیوں کے ساتھ گفتگو کرتے ہوئے کہا کہ بھارت نے واضح طور پر اعلان کیا ہے کہ وہ ایران مخالف امریکہ کی یکطرفہ پابندیوں کی حمایت نہیں کرے گا۔
محمد جواد ظریف نے نامہ نگاروں سے بات چیت کرتے ہوئے کہا کہ بھارت ایران کے ساتھ کثیرالجہتی تعلقات کو فروغ دینے کی خواہاں ہے۔
محمد جواد ظریف نے کہا کہ مذاکرات میں تیل کی تلاش اور تیل کے مشترکہ منصوبوں پر عملدرآمد کرنے، براہ راست کاروباری تعلقات، کرنسی کے تبادلہ، قومی کرنسی کے استعمال، ریلوے لائن، چابہار بندرگاہ، شمال جنوبی کوریڈور اور ٹرانزٹ کے شعبوں میں باہمی تعاون پر تبادلہ خیال کیا۔
ایران کے وزیر خارجہ نے اس دورے کے نتائج پر اطمینان کا اظہار کرتے ہوئے کہا کہ دونوں ممالک اور عالمی برادری جوہری معاہدے کے تحفظ کے لئے پرعزم ہیں اور ایران کے تجارتی شراکت دار ممالک کو اس حوالے سے مناسب موقف اختیار کرنا چاہئے۔
واضح رہے کہ اسلامی جمہوریہ ایران کے وزیر خارجہ محمد جواد ظریف ایک اعلیٰ سطحی سیاسی اور اقتصادی وفد کے ہمراہ پیر کو ہندوستان کے ایک روزہ دورے پر نئی دہلی پہنچےتھے۔
۔۔۔۔۔۔۔۔۔۔۔۔۔۔۔۔
۲۴۲
