اہل بیت (ع) نیوز ایجنسی ـ ابنا ـ کی رپورٹ کے مطابق ايراني ماہرين نے حال ہي ميں امريکي ڈرون طيارے آر کيو ايک سو ستر کا نمونہ تيار کيا ہے - ايراني فوج نے سنہ دو ہزار گيارہ ميں امريکہ کے ايک ڈرون طيارے آر کيو ايک سو ستر کو، جس نے ايران کے مشرقي علاقوں کي سرحدي خلاف ورزي کي تھي، نشانہ بنا کر کم سےسے کم نقصان کے ساتھ کاشمر شہر ميں زمين پر اتار ليا تھا -
امريکي ڈرون طيارے کي بنياد پر تيار کئے جانے والے اس ايراني ڈرون نے ابھي چند روز قبل کاميابي کے ساتھ پرواز کي تھي -
امريکي ڈرون طيارے کے ايران کي سپاہ پاسداران کے مکمل کنٹرول ميں آنے کے بعد امريکي حکام نے ايراني فوج کے اس اقدام کي اہميت کم کرنے کي کوشش کرتے ہوئے دعوا کيا تھا کہ ايران کے پاس اس ڈرون کو ڈي کوڈ کرنے کي ٹيکنالوجي نہيں ہے ليکن سپاہ پاسداران انقلاب اسلامي کے ماہرين نے دو سال ميں ہي اس طيارے کو ڈي کوڈ کرنے اور اس کا نمونہ تيار کرنے ميں کاميابي حاصل کرلي نيز ايران نے مئي کے مہينے ميں ايراني ماہرين کے تيار کردہ اس طيارے کي رونمائي بھي کي تھي_
.......
/169
