ایران کل مقامی طور پر تیار کئے گئے ڈرون طیارے کی رونمائي کرےگا

ابنا: اسلامی جمہوریہ ایران کے وزیر دفاع احمد وحیدی نے نامہ نگآروں سے گفتگو کرتے ہوئےکہا ہے کہ کل وزارت دفاع کے شہیدوں کی یاد میں ایک تقریب منعقد کی جائے گی جس میں ایران کے حماسہ نام کے جدید ڈرون طیارے کی رونمائی کی جائے گی۔ ایرانی وزیر دفاع نے کہا کہ حماسہ نامی ڈرون طیارہ مقامی سطح پر بنایا گيا ہے جو خاص خصوصیات کا حامل ہے انھوں نے شام پر اسرائیلی حملے کی مذمت کرتے ہوئے کہا کہ شام ایک مضبوط اور مستحکم ملک ہے اور وہ اسرائيل کو دنداں شکن جواب دےسکتا ہے اور اسرائيل کے خلاف جوابی کارروائی شام کا محفوظ حق ہے اور شام مناسب وقت میں اس حق کو ادا کرےگا۔...../169