پاکستان سے ایران میں داخل ہونے والی بموں سےبھری گاڑی پر قبضہ

ابنا: پولیس کے نائب کمانڈر  بریگیڈیئر جنرل "رادان " نے آج تہران میں کہا کہ اس گاڑی میں 20 ٹائم بم اور ریموٹ کنٹرول بم موجود تھے۔ انہوں نے اس حوالے سے ایک گروپ کی شناخت اور ایک شخص کی گرفتاری کی اطلاع دیتے ہوئے کہا کہ مذکورہ گروپ دھماکہ خیز مواد کو پاکستان سے ایران میں پہنچانا چاہتا تھا مگر اسلامی جمہوریہ ایران کی انٹیلجنس کے اہلکاروں نے گاڑی کو اپنی تحویل میں لے کر ایک شخص کو گرفتار کیا جبکہ باقی افراد سرحد سے بھاگ کر پاکستان میں داخل ہوئے۔ ایرانی پولیس کے نائب کمانڈر نے حکومت پاکستان سے مطالبہ کیا کہ وہ اپنی سرحدوں میں دہشتگردوں کو اس طرح کے دہشتگردانہ اقدامات کی اجازت نہ دے۔انہوں نے کہا کہ ایرانی فورسز، سرحدوں پر مکمل چوکس ہیں اور ملک و قوم کے خلاف کسی بھی اقدام کی اجازت نہیں دیں گے۔......./169 ـ 110