ابنا: ایک مذمتی بیان میں علامہ سید ساجد علی نقوی نے کہا کہ کہ پشاور کے علاقے گل بیلہ میں ہونے والا بم دھماکہ انتظامیہ کی لاپرواہی اور سستی وکاہلی کا نتیجہ ہے حکومت لوگوں کو تحفظ دینے میں ناکام ہوچکی ہے دہشت گردی روکنے بارے انتظامیہ کی لیت لال سے کام لینا عوام کیلئے وبال جان بن چکاہے،
دہشت گردی وبم دھماکوں کے خوف وحراس سے عوام گھروں تک محدود رہ کرنفسیاتی مریض بن چکے ہیں،اس گونگی بہری حکومت کے پانچ سالہ دور میںعوام کو کمرتوڑ مہنگائی کیساتھ ساتھ ٹارگٹ کلنگ اور بم دھماکوں جیسے افسوس ناک واقعات دیکھنے کو ملے،
انہوں نے کہاکہ حکمران اقتدار و دولت کی جنگ میں مصروف ومگن ہیں جبکہ عدلیہ و حکومتی ادارے آپس میں چوہے بلی کا کھیل کھیل رہے ہیں
انہوں نے کہا کہ دہشت گردی نے وطن عزیز کو دیمک کی طرح اندر سے کھوکھلا کردیا ہے ،وطن عزیز کے اندر امریکی حساس ادارہ سی۔آئی۔اے کی دفاتر بند کئے بغیر دہشت گردی پر قابو نہیں پایاجاسکتا۔
علامہ سید ساجد علی نقوی نے حکومت و انتظامیہ سے مطالبہ کرتے ہوئے کہا کہ واقعے کو ٹیسٹ کیس بناکر کے پس پردہ خونی بھیڑیوں کو بے نقاب کرکے مثالی سزا دی جائے۔....... /169
