ابنا: علي اصغر سلطانيہ نے ايک انٹرويو ميں کہا ہے کہ ايران کي ايٹمي سرگرميوں کے بارے ميں آئي اے اي اے کے سربراہ يوکيا امانو کي حاليہ رپورٹ ، ان سرگرميوں کے پر امن ہونے اور ايٹمي منصوبے ميں فوجي رجحان نہ ہونے کي ايک اور دليل ہے - انہوں نے کہا کہ يوکيا امانو کي گيارہ صفحات پر مشتمل رپورٹ ميں زور ديا گيا ہے کہ ايران ، يورينئم کي افزودگي سميت تمام سرگرمياں آئي اے اي اے کے معائنہ کاروں کي زيرنگراني جاري رکھے ہوئے ہے .
علي اصغر سلطانيہ نے اس بات کا ذکر کرتے ہوئے کہ يوکيا امانو کي رپورٹ ميں واضح طور پر کہا گيا ہے کہ آئي اے اي اے ، ايران کي ايٹمي سرگرميوں ميں انحراف نہ ہونے کے سلسلے ميں تحقيقات جاري رکھے گي ، واضح کيا ہے کہ اس کا يہ مطلب ہے کہ ، ايران کي جانب سے معائنہ کي راہ ميں کسي بھي قسم کي رکاوٹ موجود نہيں ہے –
علي اصغر سلطانیہ نے کچھ مغربي ذرائع ابلاغ کي جانب سے قم صوبے کي فوردو ايٹمي تنصيبات ميں ، ستائيس فيصد افزودہ يورينئم کي پيداوار کے سلسلے ميں شائع ہونے والي رپورٹوں کے بارے ميں کہا کہ ، يوکيا امانو کي حاليہ رپورٹ کے مطابق يہ معاملہ تکنيکي ہے اور آئي اے اي اے کے ماہرين اس پر گفتگو کر رہے ہيں –
آئي اے اي اے ميں اسلامي جمہوريہ ايران کے نمائندے نے ،مغرب کي جانب سے فوردو ايٹمي تنصيبات کے معاملے کو سياسي رنگ دينے کو آئي اے اي اے کے پيشہ وارانہ و تعميري فرائض کي راہ ميں رکاوٹ کھڑي کرنے کي مغربي کوشش قرار ديا ہے
........
/169
