اسلام آباد مسجد میں بم دھماکے کا ذمہ دار امریکہ ہے: یمنی علماء

اسلام آاباد مسجد میں بم دھماکے کا ذمہ دار امریکہ ہے: یمنی علماء

یمنی علماء کی ممتاز تنظیم انجمن علمائے یمن نے پاکستان کے دارالحکومت اسلام آباد میں شیعہ مسجد میں پیش آنے والے دہشت گردانہ دھماکے کی شدید الفاظ میں مذمت کرتے ہوئے اس ہولناک جنایت کے لیے براہ راست امریکہ کو ذمہ دار ٹھہرایا ہے۔

تنظیم کے مطابق یہ حملہ واشنگٹن کے زیر سرپرستی کام کرنے والے تکفیری عناصر کے اشتراک سے انجام پایا ہے۔

انجمن علمائے یمن کے اعلامیے میں کہا گیا ہے کہ ہم پاکستان میں مسجد کے دھماکے کی اس جنایت کے لیے امریکہ کو ذمہ دار قرار دیتے ہیں۔ یہ مظالم واشنگٹن کے ایما پر کام کرنے والے تکفیری ٹھیکیداروں کے ہاتھوں سرزد ہوئے ہیں۔

اعلامیے میں مسلم امہ سے اپیل کی گئی ہے کہ وہ امریکہ کی ان سازشوں کے خلاف ہوشیار رہے جو دراصل اسلامی دنیا کے اتحاد کو پارہ پارہ کرنے کی کوشش ہے۔ تنظیم نے واضح کیا کہ ایسے وحشیانہ اقدامات کا اسلام سے کوئی تعلق نہیں ہے بلکہ اسلام ایسے اعمال سے بیزار ہے۔ یہ مجرمانہ کاروائیاں بالکل اسی طرح ہیں جیسے صہیونی مظالم غزہ کی پٹی میں انجام دے رہے ہیں۔

واضح رہے کہ اسلام آباد کے علاقے ترلائی میں واقع خدیجۃ الکبریٰ مسجد و حسینیہ میں جمعہ کی سہ پہر ہونے والے اس بم دھماکے میں اب تک 36 افراد جان بحق ہو چکے ہیں جبکہ متعدد زخمی ہیں۔ پاکستانی پولس کے مطابق یہ دھماکا شیعہ عبادت گاہ میں ہوا۔ داعش نامی دہشت گرد گروپ نے اس حملے کی ذمہ داری قبول کر لی ہے۔