اہل بیت (ع) نیوز ایجنسی ابنا کے مطابق، تہران شہر کے انقلاب اسکوائر پر جس عوامی اجتماع کا اعلان کیا گیا تھا وہاں دسیوں لاکھ شہریوں پر مشتمل خیابان انقلاب، خیابان آزادی اور اطراف کی شاہراہوں پر عظیم الشان احتجاجی مظاہرے کیئے۔ ایرانی عوام نے امریکہ، صیہونی حکومت اور ان کے آلہ کار دہشت گرد عناصر کے خلاف نعرے لگائے اور اعلان کیا کہ دشمنوں کی تمام سازشوں کے سامنے متحد رہیں گے۔
مظاہرین نے پلے کارڈ ہاتھ میں اٹھائے ہوئے تھے جس میں مسجدوں، امام بارگاہوں اور قرآن مجید کو نذر آتش کرنے والے عناصر، صرف اور صرف امریکی اور صیہونی دہشت گرد ہو سکتے ہیں اور دشمنوں کا ایرانی عوام اور ان کے مطالبات سے کوئی سر و کار نہیں۔
مظاہرین نے اعلان کیا کہ دہشت گردوں کے ہاتھوں بہیمانہ طریقے سے شہید ہونے والے ہموطنوں کے خون کا بدلہ ضرور لیا جائے گا اور ان دہشت گردوں کے مغربی آقاؤں کو ایسا سبق سکھایا جائے گا جسے وہ کبھی بھول نہ پائيں۔
قابل ذکر ہے کہ تہران کے میدان انقلاب کے ساتھ ساتھ ایران کے ہر شہر و قصبے میں بھی ایران کے شجاع عوام نے مغرب بالخصوص امریکہ اور صیہونی حکومت کے سازش کے خلاف متحد رہنے کے عزم کا اعادہ کیا اور اعلان کیا کہ رہبر انقلاب اسلامی کی قیادت میں امریکہ اور سامراجی طاقتوں کو گھٹنے ٹیکنے پر مجبور کردیں گے۔
ان ریلیوں میں وزیر خارجہ عراقچی سمیت ملک کے اعلی عہدے داروں نے بھی شرکت کی ہے۔
آپ کا تبصرہ