ترکی میں فوجی اہلکاروں کی بس کے قریب دھماکے میں5 افراد ہلاک، متعدد زخمی

اہل بیت(ع) نیوز ایجنسی ۔ ابنا ۔ کی رپورٹ کے مطابق انقرہ میں فوجی اہلکاروں کی بس کے قریب دھماکے کے نتیجے میں 5 افراد ہلاک جب کہ متعدد زخمی ہوگئے، دھماکے کے بعد امدادی ٹیموں نے زخمیوں کو اسپتال منتقل کیا جہاں بیشتر زخمیوں کی حالت تشویش ناک بتائی جاتی ہے جس کے باعث ہلاکتوں میں اضافہ کا خدشہ ہے.

حکام کا کہنا ہے کہ حملے کا نشانہ بننے والی بس فوجی اہلکاروں کو لے کر قریبی فوجی عمارت میں جارہی تھی تاہم جیسے ہی بس عمارت کے قریب پہنچی تو بارود سے بھری گاڑی کو دھماکے سے اڑادیا گیا۔ دھماکے کے بعدترکی میں تمام سیکیورٹی ایجنسیز اور حکام کو ہائی الرٹ کردیا گیا ہے اور اہم تنصیبات کی سیکیورٹی بڑھادی گئی ہے جب کہ نٹیلی جنس ایجنسیز نے خبردار کیا ہے کہ ملک میں مزید دھماکوں کا خطرہ ہے۔

.....

/169