اہل بیت(ع) نیوز ایجنسی ـ ابنا ـ کے
مطابق، جمعرات کو دو ملکوں کے سربراہوں کی موجودگی میں تاجکستان کے ایوان صدارت میں
ان معاہدوں پر دستخط ہوئے۔ یہ معاہدے سیاسی، معاشی، ثقافتی، سماجی اور تعلیمی
شعبوں نیز ٹرانسپورٹ، کسٹمز، تجارت جیسے مختلف شعبوں میں دونوں ملکوں کے درمیان
تعاون سے تعلق رکھتے ہیں۔
دونوں صدور کی موجودگی میں ان معاہدوں پر
دستخط ہوئے اور تقریب کے آغاز میں صدر ایران مسعود پزشکیان اور ان کے تاجک ہم منصب
امام علی رحمان نے مشترکہ اعلامیے پر دستخط کئے۔
صدر مسعود پزشکیان بدھ کی رات ایک اعلی
وفد کے ہمراہ تاجکستان پہنچے ہیں۔
اس دورے میں وزیر خارجہ، وزیر تیل، وزیر
اقتصادیات، وزیر زراعت، سینيئر نائب صدر اور ایٹمی توانائی کے قومی ادارے کے
سربراہ اور وزیر توانائی، سڑکوں اور شہری ترقی کی خاتون وزیر اورسینٹرل بینک کے
گورنر صدر پزشکیان کے ہمراہ ہیں۔
صدر ایران کے دورہ تاجکستان کے موقع پر
دونوں ملکوں کے شعراء و ادبا کی شرکت سے ادبی نشست کا انعقاد بھی کیا جا رہا ہے جبکہ
صدر ایران ، تاجکستان میں فارسی زبان و ادب کے تحقیقاتی مرکز کا افتتاح بھی کریں
گے۔
تاجکستان کے دورے کے بعد صدر ایران روس کا
اہم دورہ کریں گے جہاں ایران و روس کے درمیان جامع تعاون کے انتہائی اہم اور تزویراتی
معاہدے پر دستخط ہوں گے۔
۔۔۔۔۔۔
110
