اہل بیت(ع) نیوز ایجنسی ـ ابنا | خبر رساں اداروں کے مطابق صہیونی
فورسز نے لبنان پر وحشیانہ حملے کیے جس کے نتیجے میں 60 افراد شہید اور 163 زخمی
ہوگئے جبکہ صہیونی حملے میں اقوام متحدہ امن مشن فورس اور لبنانی فوج کے اہلکار بھی
زخمی ہوئے۔
میڈیا رپورٹس کے مطابق حزب اللہ نے بھی اسرائیل پر بھرپور جوابی حملے
کیے اور120 راکٹس داغے، اس دوران مزید ایک صہیونی فوجی کی ہلاکت کی تصدیق ہوئی ہے۔
دوسری جانب صہیونی فورسز نے غزہ کے شاطی پناہ گزین کیمپ پر حملہ کردیا
جس کے نتیجے میں غزہ میں صہیونی مظالم کے باعث مزید 62 افراد شہید ہوگئے، حماس نے
دنیا بھر سے فلسطینیوں کی نسل کشی کے خلاف 3 روزہ احتجاج کی اپیل کی ہے۔
علاوہ ازیں برطرف سابق صہیونی وزیر دفاع گیلنٹ نے کہا کہ اسرائیل کی
فوج کو غزہ میں رکھنے کا اب کوئی جواز نہیں ہے، غزہ سے فوج نہ نکالی تو اسرائیل کو
بھاری قیمت چکانا ہوگی۔
۔۔۔۔۔
110
