اہل بیت(ع) نیوز ایجنسی کے مطابق آج اسلام آباد
میں شہید اسماعیل ہنیہ، شہید سید حسن نصراللہ اور شہید یحیی سنوار سے تجدید عہد کے
لئے اسلام آباد میں امامیہ اسٹوڈنٹس آرگنائزیشن کے زیر اہتمام عظیم الشان ریلی
نکالی گئی۔
اس ریلی میں مجلس وحدت مسلمین کے سربراہ سینیٹر
علامہ ناصر عباس جعفری اور سابق امیر جماعت اسلامی پاکستان سراج الحق نے مظاہرین
سے خطاب میں اسلامی دنیا کے حکام سے کہا کہ اسرائیل کے مقابلے میں اسلامی جمہوریہ
ایران اور محور مقاومت کے مجاہدین کی پیروی کریں۔
مقررین نے اسماعیل ہنیہ، سید حسن نصراللہ اور یحییٰ سنوار پر دہشت
گردانہ حملے اور غاصب صہیونی ریاست کے جرائم کی مذمت کی۔
امامیہ اسٹوڈنٹس آرگنائزیشن کے زیر اہتمام اس عظیم
الشان ریلی میں غزہ اور لبنان کے ساتھ یکجہتی اور امریکہ و اسرائیل سے برائت اور
نفرت کا اعلان کیا گیا۔
ریلی کے شرکاء نے امریکہ مردہ باد اور اسرائيل
مردہ باد کے نعرے لگائے اورغزہ و لبنان کے خلاف جنگ فوری طور پر بند کرنے کا
مطالبہ کیا۔
گذشتہ روز بھی پاکستان میں فلسطین کے حامیوں نے
حماس کے سیاسی بیورو کے سربراہ شہید یحیی سنوار کی غائبانہ نماز جنازہ پڑھی اور
غاصب صہیونی ریاست کے جرائم نیز امریکہ اور اس کے حامیوں کی جانب سے اس غاصب ریاست
کی بے انتہا حمایت کی مذمت کی تھی۔
۔۔۔۔۔۔۔۔۔۔
110
