اہل بیت(ع) نیوز ایجنسی۔ابنا۔ ہندوستان کی نامور علمی شخصیت حجۃ الاسلام و المسلمین علامہ ابن علی واعظ کے انتقال پر اہل بیت(ع) عالمی اسمبلی کے سیکرٹری جنرل آیت اللہ رضا رمضانی نے ایک تعزیتی پیغام جاری کر کے اس عظیم نقصان پر افسوس کا اظہار کیا ہے۔
اہل بیت(ع) عالمی اسمبلی کے سیکرٹری جنرل کے تعزیتی پیغام کا ترجمہ حسب ذیل ہے؛
بسم اللہ الرحمن الرحیم
عظیم مفکر اور بزرگ دانشور، اسلامی فہمی انسٹی ٹیوٹ کے سربراہ اور حوزہ علمیہ باقر العلوم(ع) کے محترم پرنسپل جناب علامہ ابن علی واعظ کا انتقال انتہائی افسوس اور دکھ کا سبب بنا۔
اس جلیل القدر عالم دین نے اپنی پوری زندگی حصول علم اور اس کے بعد وعظ و نصیحت، تدریس و تالیف اور علمی و حوزوی مراکز کے قیام و انصرام میں گزار دی۔
دینی احکام کی تبلیغ اور قرآن و اہل بیت(ع) کی تعلیمات کی نشر و اشاعت ، دینی اور فلاحی مراکز کے قیام، طلاب و علماء کی تربیت، مختلف کتابوں کی تالیف و ان کا ترجمہ نیز عالمی سامراج کے مقابلے میں اسلامی جمہوریہ ایران اور امام خمینی (رہ) کے دفاع میں طولانی برسوں کی محنتوں کا مناسب صلہ اب بارگاہ الہی میں مرحوم مغفور کی روح مطہر کے لیے محفوظ ہوگا۔
ہم اس ناقابل تلافی نقصان پر حضرت بقیہ اللہ الاعظم (ارواحنا لہ الفداء)، رہبر انقلاب اسلامی، مراجع تقلید، برصغیر کے ولایتمدار شیعوں، مرحوم کے ساتھیوں، شاگردوں، عقیدت مندوں اور پسماندگان خصوصا ان فرزندان جو لباس روحانیت میں ملبوس ہیں اور مرحوم کے لیے باقیات الصالحات شمار ہوتے ہیں، کی خدمت میں تسلیت پیش کرتے ہیں۔
خداوند عالم کی بارگاہ میں مرحوم علامہ ابن علی واعظ کے لیے علو درجات اور مولا ابا عبد اللہ الحسین (علیہ السلام) کے قرب و جوار اور پسماندگان کے لیے صبر و اجر کی دعا کرتے ہیں۔
وإنا لله وإنا إلیه راجعون
رضا رمضانی
سیکرٹری جنرل اہل بیت(ع) عالمی اسمبلی
14 ستمبر 2021
..............
242
