اہل بیت(ع) نیوز ایجنسی۔ابنا۔ ہندوستان کے نائب وزیر خارجہ نے ایران اور ہندوستان کے مابین اچھے تعلقات پر زور دیتے ہوئے کہا کہ تہران اور بیجنگ کے مابین ۲۵ سالہ معاہدے سے تہران دہلی تعلقات متاثر نہیں ہوں گے۔
روسی خبر رساں ایجنسی اسپوٹنیک کے مطابق بھارتی نائب وزیر خارجہ نے واضح کیا کہ تہران سے ہمارے تعلقات کسی تیسرے ملک سے وابستہ نہیں ہیں۔
انہوں نے مزید کہا: ہندوستان اور ایران کے درمیان تاریخی اور قریبی تعلقات پائے جاتے ہیں۔ ہندوستان مغربی ایشیائی ممالک کے ساتھ تعلقات کو اپنی پہلی ترجیح سمجھتا ہے اور ان کے ساتھ ثقافتی، تعلیمی، تجارتی اور سرمایہ کاری کے میدان میں تعاون کا خواہاں ہے۔
ہندوستانی نائب وزیر خارجہ نے یہ بیان ایسے حالات میں دیا ہے کہ بعض غیر ملکی اور مغربی ذرائع ابلاغ نے دعویٰ کیا ہے کہ ایران چین معاہدے سے ہندوستان کے ایران کے ساتھ تعلقات متاثر ہو جائیں گے۔
...........
242
