وکیل یافث نوید ہاشمی

پاکستانی ماہرِ قانون کا ابنا سے خصوصی گفتگو میں اظہارِ خیال:

اگر ایران، عراق اور پاکستان عزم کر لیں تو زائرین کے لیے مستقل زیارتی راہداری کے قیام میں کوئی رکاوٹ باقی نہیں رہے گی

پاکستان کے ممتاز ماہرِ قانون اور سپریم کورٹ کے وکیل یافث نوید ہاشمی نے اس بات پر زور دیا ہے کہ عتباتِ عالیات اور روضۂ اقدس حضرت امام رضا(ع) کی زیارت پاکستانی عوام کے لیے ایمان، محبتِ اہل بیت(ع) اور ولایت سے وابستگی کا مظہر ہے۔ انہوں نے کہا کہ پاکستان، ایران اور عراق کے درمیان زائرین کی آمد و رفت کے لیے مستقل اور پائیدار نظام کے قیام کے لیے تینوں ممالک کی مشترکہ سیاسی خواہش، موجودہ رکاوٹوں کا خاتمہ اور بیرونی دباؤ سے آزادی ناگزیر ہے۔