اہل بیت(ع) نیوز ایجنسی۔ابنا۔ ماسکو میں توانائی سے متعلق عالمی کانفرنس سے خطاب کرتے ہوئے روسی صدر ولادیمیر پوتن کا کہنا تھا کہ ایران کے خلاف امریکی اقدامات کے عالمی معیشت پر منفی اثرات مرتب ہوں گے۔
انہوں نے کہا کہ تیل برآمد کرنے والے ملکوں کی تنظیم اوپیک کے ساتھ روسی تعاون کا مقصد عالمی منڈی میں تیل کی طلب اور رسد کے درمیان توازن پیدا کرنا ہے۔
روسی صدر نے کہا کہ امریکہ کو شام میں اپنی فوجی موجودگی کے لیے شام کی حکومت یا اقوام متحدہ سے اجازت حاصل کرنا چاہیے اس کے سوا کوئی اور راستہ نہیں ہے۔ انہوں نے کہا کہ ہم تیل کی پیداوار میں کمی اور اسے مطلوبہ سطح پر باقی رکھنا چاہتے ہیں۔
قابل ذکر ہے کہ روس میں ہفتہ توانائی کے نام سے عالمی کانفرنس کا آغاز ہو گیا ہے جس میں دنیا کے ستر ملکوں کے اعلی سطحی وفود شرکت کر رہے ہیں۔
۔۔۔۔۔۔۔۔۔۔۔۔۔۔
۲۴۲