اہل بیت(ع) نیوز ایجنسی ۔ ابنا ۔ کی رپورٹ کے مطابق چین کے صدر شی جین پینگ نے اپنے دورہ ماسکو سے قبل کہا کہ جنوبی کوریا میں تھاڈ میزائل کی تنصیب سے شمالی کوریا کو غیر مسلح کرنے میں کوئی مدد نہیں ملے گی بلکہ اس سے روس اور چین سمیت علاقے کے تمام لوگوں کی سیکورٹی خطرے میں پڑ جائے گی اور یہ علاقے کے توازن کو بگاڑنے کے لئے انجام پانے والا اقدام ہے-
چین کے صدر نے مزید کہا کہ امریکہ کے اس اقدام سے نہ صرف علاقے میں امن و استحکام قائم ہونے میں کوئی مدد نہیں ملے گی بلکہ اس سے مزید کشیدگی بھی پیدا ہو گی-
شی جین پینگ نے ایک بار پھر واشنگٹن اور سیئول سے اپیل کی کہ وہ جنوبی کوریا میں تھاڈ میزائل سسٹم نصب کرنے کا ارادہ ترک کر دے-
روس نے بھی تھاڈ میزائل سسٹم کی تنصیب پر اعتراض کرتے ہوئے اعلان کیا ہے کہ یہ میزائل ماسکو کے لئے سنگین خطرہ ہے اور اسی وجہ سے روس، جاپان کے ساتھ متنازعہ جزیرے کوریل میں اپنے میزائل نصب کر سکتا ہے-
.......
/169