اہل بیت(ع) نیوز ایجنسی۔ابنا۔ قائد ملت جعفریہ پاکستان علامہ سید ساجد علی نقوی نے انقلاب اسلامی کی44ویں سالگرہ کے موقع پر کہا ہے کہ 1979ء میں انقلاب اسلامی جن آفاقی اہداف کے لئے برپا کیا گیا وہ ایسے ہیں کہ جس پر امت مسلمہ اور تمام باشعور انسان متحد و متفق ہے انقلاب اسلامی کے لئے عوامی جدوجہد کا طریقہ کار اختیارکیا گیاجو بین الاقوامی سطح پر تسلیم شدہ ہے چنانچہ اگر امت مسلمہ کے اندر ملی یکجہتی کومضبوط بناکر کوشش کی جائے اور عوام کو متحرک کیا جائے تو عوام کی طرف سے مثبت تعاون سامنے آتا ہے انقلاب اسلامی کابھی سب سے بڑادرس یہی ہے کہ قرآن وسنت کی آفاتی تعلیمات کا نفاذ ہو تفرقے اور انتشار کا خاتمہ ہو اتحاد کی فضا ء قائم ہولہذا ہمیں چاہیے کہ ہم اپنی صفوں میں اتحاد قائم کریں تفرقہ بازی اور انتشار اور اس کے اسباب و عوامل کے خاتمے کی کوشش کریں اور پرامن عوامی جدوجہد کے ذریعہ تبدیلی لانے کی جدوجہد کریں انقلاب اسلامی کے قائد اور رہبرحضرت امام خمینی نے انقلاب برپا کرتے وقت اسلام کے زریں اصولوں اورپیغمبراکرم ؐکی سیرت و سنت کے درخشاں پہلوؤں سے ہر مرحلے پر رہنمائی حاصل کی یہی وجہ ہے کہ تمام سازشوں مظالم زیادتیوں محاصروں پابندیوں اور دیگر ہتھکنڈوں کے باوجود انقلاب اسلامی کرۂ ارض پر ایک طاقتور انقلاب کے طور پر جرات واستقامت کی بنیادیں فراہم کررہا ہے جس کی قیادت رہبر معظم کررہے ہیں علامہ ساجد نقوی نے مزید کہا کہ انقلاب اسلامی نے اسلامی تہذیب و ثقافت کے فروغ اور امت مسلمہ کو استعماری و سامراجی قوتوں کے مذموم عزائم سے باخبر رکھنے میں اہم کردار ادا کیا اور آج یہ جدوجہد ایک اہم ترین موڑ میں داخل ہوچکی ہے۔
۔۔۔۔۔۔۔۔۔۔۔۔۔۔
242
