اہل بیت(ع) نیوز ایجنسی۔ابنا۔ مجلس علمائے ہند کے جنرل سکریٹری امام جمعہ مولانا سید کلب جواد نقوی نے آیت اللہ العظمیٰ محمد محمدی ری شہری کے انتقال پر تعزیت و تسلیت پیش کی ۔
تعزیی نامہ حسب ذیل ہے:
اناللہ واناالیہ راجعون
اذا مات العالم ثلم فی الاسلام ثلمة لا سیدا شی
حرم مطہر شاہ عبدالعظیم حسنی ؑکے متولی آیت اللہ محمد محمدی ری شہری کے انتقال پر ملال کی خبر سے دلی صدمہ ہوا، مرحوم آیت اللہ ری شہری انقلاب اسلامی کی کامیابی کے بعد حکومت اسلامی کے سب سے پہلے وزیر اطلاعات کے عہدے پر فائز ہوئے انھوں نے ایران کے اٹارنی جنرل کے عہدے پر بھی خدمات انجام دیں، مجلس خبرگان رہبری کے پانچویں دور میں تہران کی نمائندگی بھی کی۔ آیت اللہ محمدی ری شہری حرم مطہر شاہ عبدالعظیم حسنی ؑکے متولی کے عہدے پر فائز تھے۔آیت اللہ ری شہری نے کئی درجن کتابیں تالیف اور تصنیف کیں جن میں میزان الحکمہ بھی شامل ہے۔ آپ کی رحلت سے جہان تشیع کابڑا نقصان ہوا ہے۔
آیت اللہ العظمیٰ محمد محمدی ری شہری کے سانحہ ارتحال پر ہم امام عصر عجل اللہ تعالیٰ فرجہ الشریف،مقام معظم رہبری ،علمائے کرام ،طلاب ذوی الاحترام ،حوزہ ھای علمیہ، اوران کے اہل خانہ کی خدمت میں تعزیت و تسلیت پیش کرتے ہیں ۔یقیناً ان کی رحلت عالم اسلام کا ناقابل تلافی خسارہ ہے۔دعا ہے کہ خدائے متعال مرحوم کےدرجات بلند فرمائے اور ان کے اہل خانہ کو صبر جمیل عطا فرمائے۔ آمین
۔۔۔۔۔۔۔۔۔۔۔۔۔۔
242