اہل بیت(ع) نیوز ایجنسی۔ابنا۔ فارس نیوز ایجنسی کے مطابق ، صہیونی اخبار نے پیر کے روز ایک رپورٹ میں ایران اور مزاحمتی محاذ کے خلاف "جنگ کے خلاف جنگ" کے نظریے میں اسرائیل کی شکست کا اعتراف کیا ہے۔
"جنگ کے خلاف جنگ" صہیونی ریاست کا ایک ایسا فوجی نظریہ ہے جو تل ابیب کے مقابلے میں دشمنوں کی توانائیوں کو کمزور کرنے پر اطلاق ہوتا ہے۔
اسرائیلی اخبار نے اپنے تجزیہ میں اس نظریہ کی شکست کا اعتراف کرتے ہوئے مقابلے میں مزاحمتی گروہوں کی کامیابی سے یاد کیا ہے۔
اس مقالے میں کہا گیا ہے کہ "گذشتہ ایک دہائی کے دوران اسرائیل کی قومی سلامتی کی حکمت عملی میں جنگ کے مقابلے میں جنگ کا نظریہ ایک کلیدی تصور بن گیا اور اسرائیل فسلطین تنازعہ میں سفارتی اقدامات کے بجائے اسے ایک آسان متبادل حکمت عملی سمجھا جانے لگا۔
"اسرائیل اور حماس کے درمیان جھڑپوں کے نئے دور سے پتہ چلتا ہے کہ سفارتی حکمت عملی کی عدم موجودگی میں ، یہ فوجی حکمت عملی اسرائیل کے لئے پائیدار حقائق کی تشکیل میں بڑی رکاوٹ ہے۔"
صہیونی اخبار کے مطابق ، اسرائیلی فوج کے نظریے کا بنیادی محور ہر چند سال بعد مزاحمتی محور یا سپاہ پاسداران انقلاب کے ساتھ عارضی اور بڑے پیمانے پر جھڑپوں کا قیام ہے ۔
ہاآرتض نے اس نظریے کے مقصد کے بارے میں لکھا ہے: "اس تناؤ کو تاخیر میں ڈالنے کا مقصد اسرائیلی اسٹریٹجک کو مستحکم بنانا اور اسے تنازعہ کے اگلے دور کے لیے تیار کرنا تھا۔
اس تحریر میں آگے لکھا گیا ہے کہ بہرحال ، حالیہ برسوں میں اسرائیل کی یہ حکمت عملی اپنے وسیع اہداف کے حصول میں کامیاب نہیں ہو سکی ہے ہر دور کے تنازعات نے اسرائیل کو مزید کمزور کردیا ہے۔
صہیونی حکومت کے فوجی نظریے کی کوتاہیوں کی وضاحت کرتے ہوئے اس اخبار نے لکھا کہ یہ حکمت عملی "ہر قیمت پر جمود برقرار رکھنے" کی منطق پر مبنی ہے اور بہترین بات یہ ہے کہ حقائق کو موجودہ موڑ پر رکھنے کی کوشش کی جائے۔
ہاآرتض کے مطابق، اس حکمت عملی میں مزاحمتی گروہوں کے مقاصد کو نظرانداز کرنے کے علاوہ ، طویل مدتی امکانات کا فقدان ہے۔
ہاآرتض نے مزید کہا کہ صہیونی حکومت اور عرب ریاستوں کے مابین تعلقات کو معمول پر لانے کے لئے نام نہاد "ابراہیم معاہدات" بھی عارضی مواقع کی پیداوار ہیں اور یہ کہ وہ اسرائیلی امن منصوبے کا نتیجہ نہیں تھے۔
خیال رہے کہ فلسطینی مزاحمتی گروہوں اور صیہونی حکومت کے مابین حالیہ 12 روزہ جنگ کے بعد ، بہت سے مغربی ذرائع ابلاغ یا صہیونی عہدیداروں نے مزاحمتی گروہوں کی عظیم پیشرفت اور صیہونی حکومت کی کمزوریوں کی طرف اشارہ کیا ہے۔
..............
242