اہل بیت(ع) نیوز ایجنسی۔ابنا۔ رہبر انقلاب اسلامی کے دفتر کے جاری کردہ بیان کے مطابق یہ خطاب بروز جمعہ ایران کے وقت کے مطابق دن میں ۱۲ بجے، پاکستان کے وقت کے مطابق ۱۲:۳۰ اور ہندوستان کے وقت کے مطابق ۱ بجے انجام پائے گا۔
یہ خطاب اردو ترجمہ کے ساتھ سحر اردو ٹی وی سے بھی براہ راست نشر کیا جائے گا۔
ناظرین بہرہ مند ہونے کے لئے سحر اردو ٹی وی کو فالو کرنے کے علاوہ چینل کی ویب سائٹ urdu.sahartv.ir کے لائیو آپشن کو بھی استعمال کر سکتے ہیں۔
واضح رہے کہ ماہ رمضان کا آخری یعنی آئندہ جمعہ عالمی یوم قدس کے طور پر منایا جائے گا اور دنیا بھر کے حریت پسند فلسطین کی حمایت اور فلسطینی قوم کے خلاف انجام پانے والے صیہونی ٹولے کے غاصبانہ، جابرانہ، ظالمانہ اور مجرمانہ اقدامات کے خلاف اپنی صدائے احتجاج بلند کریں گے۔